Xəbərlər
İcbari Tibbi Sığorta ilə əlaqədar Xatırlatma
Xatırlatmaq istəyirik ki, İcbari Tibbi Sığorta ilə əlaqədar “Tibbi sığorta haqqında” Qanunda edilən dəyişikliklər 1 yanvar 2021-ci il tarixindən etibarən qüvvəyə minir.
Sığortaolunanların müxtəlif kateqoriyalarına və qanunla müəyyən edilmiş sığorta haqlarının məbləğlərinə dair əsas məlumatlarda heç bir dəyişiklik yoxdur və aşağıdakı cədvəldə öz əksini tapmışdır.
| Sığortaolunan | Kim Tərəfindən Ödənilir | Sığorta haqları | ||
| 1. Azərbaycan Respublikasının vətəndaşları; 2. Azərbaycan Respublikasında qaçqın statusu almış şəxslər; 3. BMT-nin Qaçqınlar üzrə Ali komissarının Azərbaycan Respublikasındakı nümayəndəliyi tərəfindən himayəyə götürülmüş əcnəbilər və vətəndaşlığı olmayan şəxslər. | Dövlət Büdcəsi | Tam təqvim ili üçün adambaşına 90 manat; | ||
| Muzdlu işçilər, hərbi qulluqçular (istisnalarla), Milli Məclis və digər orqanlar tərəfindən vəzifəyə təyin olunan şəxslər, seçkili ödənişli vəzifə tutan şəxslər | İşçi | İşəgötürən | 2% + 8000 manatdan yuxarı olan məbləğin 0,5%-i - işçi tərəfindən | 2% + 8000 manatdan yuxarı olan məbləğin 0,5%-i - işəgötürən tərəfindən |
| 4. Vergi ödəyicisi kimi vergi uçotuna alınmış fiziki şəxslər (fərdi sahibkarlar, xüsusi notariuslar, vəkillər kollegiyasının üzvləri) sığortalı qismində özləri çıxış edirlər (müəyyən istisnalarla) | Sığortaolunanın minimum aylıq əməkhaqqı | minimum aylıq əməkhaqqının 4 faizi | ||
| 5. Mülki-hüquqi müqavilələr əsasında fəaliyyət göstərən şəxslər | Sığortaolunanın gəlirləri | 2% + 8000 manatdan yuxarı olan məbləğin 1%-i; | ||
Dəyişikliklərə əsasən müddətlər:
- İcbari tibbi sığorta ölkənin inzibati ərazi vahidləri üzrə müəyyən edilmiş ardıcıllıq nəzərə alınmaqla, 2021-ci ildə tamamlanmaq şərtilə mərhələli şəkildə tətbiq olunur. Bakı və Sumqayıt şəhərlərində bu aprel 2021-ci il müəyyən olunmuşdur.
- Neft-qaz sahəsində fəaliyyəti olmayan və qeyri-dövlət sektoruna aid edilən sektorun işçilərinin əməkhaqlarının 8000 manatadək olan hissəsindən ödənilən sığorta haqqının məbləğinə 2022-ci il yanvarın 1-dək 50% (50 faiz) güzəşt tətbiq edilir.