Xəbərlər

EKVİTA Hüquq Meneceri axtarışındadır!

Əsas Vəzifələr

• Hüquqşünas köməkçisi (təcrübəçilər), kiçik hüquqşünaslar, hüquqşünaslar və baş hüquqşünasların işinə nəzarət etmək və onları düzgün yönləndirmək
• Müştəri sorğularını vaxtında cavablandırmaq və yönləndirmək (icra üçün işçilərə tapşırıqlar vermək)
• Müştəri idarəçiliyi (gündəlik izləmə, müştərilərlə görüşlər və s.)
• Tamamlanmış işlər və nəticələri nəzərdən keçirmək
• Hərtərəfli hüquqi araşdırmalar aparmaq və hüquqi rəylər hazırlamaq
• Hüquqi məsələlər üzrə ad hoc təqdimatlar keçirmək
• Ehtiyac olduqda, dyu-dilicens təşkil etmək, əmək, rüşvət və korrupsiya əleyhinə və digər yoxlamaları keçirmək
• Korporativ yenidənqurma, təşkilati məsələlərlə bağlı məsləhətlər vermək
• Layihələri sərbəst idarə etmək
• Yeni işçiləri təlimatlandırmaq
• Menecment və işçi heyəti ilə yaxın peşəkar əlaqələr qurmaq və bu cür əlaqə və münasibətləri inkişaf etdirmək
• Məhkəmə mübahisələrini nəzarətdə saxlamaq və ehtiyac olduqda, məhkəmə proseslərində iştirak etmək
• Əsas müqavilələri hazırlamaq, nəzərdən keçirmək və razılaşdırmaq
• Mürəkkəb kommersiya və hüquqi ssenariləri sadə dilə çevirmək və hərəkət planı hazırlamaq
• Ehtiyac olduqda, dövlət orqanları ilə əlaqələr yaratmaq

Əsas keyfiyyətlər və təcrübə

• Magistr təhsilinin olması şərtdir.
• İdeal namizədin xarici universitetlərdən (İngiltərə və ya Amerikan universitetləri) bakalavr və ya magistr dərəcəsi olmalıdır;
• Hüquq şirkətində 7-10 il idarəetmə təcrübəsi;

Ünsiyyət bacarığı

• Effektiv dinləyici – diqqətlə dinləmək və verilən bütün təlimatları anlamaq bacarığı;
• Mükəmməl yazı və səlis şifahi ünsiyyət bacarıqları – fikri qısa, açıq və ardıcıl ifadə etmək bacarığı.

Analitik bacarıq

• Güclü analitik bacarıqlar; istənilən əməliyyat zamanı hüquqi məsələləri və riskləri müəyyən etmək bacarığı
• Müstəqil qərar qəbul etmək bacarığı və təcrübəsi

Əsas bacarıq və səriştələr

• Düzgün davranış qaydalarına sahib, iddialı, lakin real gözləntiləri olan şəxs
• Yüksək etik və peşəkar standartlar
• Gərgin son təslim tarixlərinin öhdəsindən gəlmək və zərurət olduqda çox çalışmaq
• Azərbaycan və İngilis dillərini mükəmməl bilmək (yazılı və şifahi); Rus dili biliyinin olması üstünlükdür
• Kompüterlə effektiv işləmə bacarığı
• Nəzarət olmadan işi planlaşdırmaq və təşkil etmək bacarığı
• Komanda ilə işləmək bacarığı, əməkdaşlara hörmət etməli və onları dəstəkləməli
• Müştərilərlə birbaşa işləmək bacarığı

Əmək haqqı və digər faydalar

• Uyğun namizədə bacarıq və təcrübəsi əsasında rəqabətə davamlı əmək haqqı təklif ediləcək.
• Nüfuzlu sığorta şirkətində tibbi sığorta ilə təmin ediləcək.
• İllik hesabat vaxtından asılı olaraq bonuslar təklif oluna bilər (müzakirə ediləcək və razılaşdırılacaq).
• Həm yerli, həm də xarici treyninq imkanları yaradılır.
• Hüquq təhsilinin maliyyələşdirilməsinə kömək məqsədilə faizsiz uzunmüddətli kreditlər verilə bilər (müzakirə ediləcək və razılaşdırılacaq).

Son müraciət tarixi: 30.10.2021

İddialı şəxslər CV-lərini hr@ekvita.com email ünvanına “Hüquq Meneceri” başlığı ilə göndərə bilər.